खाद्यसंस्कृती - आलेपाक

नमस्कार,



बाहेर मस्त थंडी पडली आहे आणि त्यात सर्दी खोकल्यामध्येये ही भर पडलीच आहे . पूर्वी थंडीला सुरुवात झाली की घरोघरी बनणारी एकच गोष्ट ती म्हणजे आलेपाक
चला तर बघुया आलेपाक कसा बनवायचा

साहित्य:
आले सोलून व चिरून- १ कप
२ वाट्या साखर
१/२वाटी सायीसकट दुध
१ छोटा चमचा तूप

कृती:
१)आले अगदी थोडं पाणी वापरून गुळगुळीत मिक्सरवर वाटून घ्या.
२)एका चौकोनी बर्फी ट्रे किंवा ताटाला तुपाचा हात फिरवून घ्या.
३)एका जाड बुडाच्या किंवा नॉन-स्टीक पॅनमध्ये वाटलेले आले, साखर आणि दुध एकत्र करा.
मध्यम आचेवर ठेवून सतत हलवत रहा. हळूहळू साखर वितळून घट्ट होऊ लागेल.
४)लक्ष्यपूर्वक ढवळत राहा. मिश्रण भांड्याच्या कडेपासून सुटू लागेल. याचा अर्थ ते तयार आहे. गॅस बंद करा.
५)मिश्रण ट्रे मध्ये ओतून गरम सुरीने चौकोनी तुकडे पाडा. थंड झाल्यावर त्याच्या वड्या करा.
हवाबंद डब्यात भरून ठेवा.
 


मायरा वैभव जगताप
https://www.aapalimayra.blogspot.com/