खाद्यसंस्कृती - चहाचा मसाला

नमस्कार,



बाहेर मस्त थंडी पडली आहे अशा वेळी मसाला चहा ची चवचं काही न्यारी चला तर आज आपण बघुया चहाचा मसाला काय बनवायचा .

साहित्य:
४० वेलची
२५ काळी मिरी
१५ ते १८ लवंग
५ काड्या दालचिनी (२ इंच प्रत्येकी)
१ टेस्पून सुंठ पावडर
३/४ जायफळ किसलेले

कृती:
१) दालचिनी हाताने तुकडे करून घ्यावी.
२) वेलची साला सहित वापरवी
३) सर्व साहित्य मिक्सरमध्ये बारीक करावे.

वापर:-
४ कप चहासाठी दीड ते दोन छोटा चमचा मसाला वापरावा. चहा पावडरबरोबरच हा मसाला घालावा. चहा उकळल्यावर आच बंद करून मिनिटभर झाकण ठेवावे. यामुळे मसाल्याचा स्वाद चहामध्ये चांगला मुरेल.

टीप:-
१) काळीमिरी, वेलची, दालचिनी आणि सुंठ यांची फ्रेश पावडर वापरूनही मसाला बनवू शकतो. जर दालचिनीचा स्वाद आवडत असेल तर ती थोडी जास्त घालावी.
२) चहाच्या मसाल्यात वाळवलेली चहाची पाती, बडीशेप आणि थोड्याशाच प्रमाणात चक्रीफूल घालू शकतो.
 


मायरा वैभव जगताप
https://www.aapalimayra.blogspot.com/