खाद्यसंस्कृती - अंडा करी

नमस्कार 

आज आपण बघुया अंडा करी

साहित्य :
४ अंडी
वाटणासाठी -
१ मध्यम कांदा (उभा चिरलेला) + १/२ वाटी सुकं खोबरं
२कांदे बारीक चिरलेले
१ चमचा आलं-लसूण पेस्ट
१ १/२चमचा मालवणी मसाला
१ टोमॅटो चिरलेला
१/२ चमचा हळद
तेल
पाणी
मीठ

कृती :
१. १ चमचा तेलात कांदा गोल्डन ब्राऊन होईपर्यंत भाजून घ्या. मग त्यात सुकं खोबरं ब्राऊन होई पर्यंत खरपूस भाजून घ्या. मिश्रण थंड झालं कि थोडं पाणी घालून मिक्सरवर बारीक वाटून घ्या.
२. एकीकडे ३ अंडी पाण्यात घालून उकडून घ्या. १ अंड नंतर ग्रेवीमध्ये वापरण्यासाठी बाजूला राहू दे .
३. पातेल्यात तेल गरम करा आणि बारीक चिरलेला कांदा गुलाबी रंगावर परतून घ्या. त्यात टोमॅटो घालून परता. आलं-लसूण पेस्ट, हळद आणि मसाला घाला आणि तेल सुटेपर्यंत परता.
४. वाटलेला मसाला घालून परता. आवडीप्रमाणे पाणी घालून थोडं पात्तळ करा. १ अंड फोडून घाला आणि अलगद मिक्स करा. वरून झाकण ठेवा. अंड शिजू दे.
५.मग उकडलेल्या अंड्यांना वरून ३/४ कापून करी मध्ये सोडा. वरून झाकण ठेऊन १ उकळी काढा.
६. कोथिंबीर पेरून सर्व्ह करा.
 

मायरा वैभव जगताप
https://www.aapalimayra.blogspot.com/