खाद्यसंस्कृती - तळलेले मोदक

तळलेले मोदक





नमस्कार 
आज आपण बघणार आहोत तळलेले मोदक.

साहित्य:-
१ खवलेला नारळ
१/२ वाटी साखर किंवा गुळ
वेलचीपूड
१वाटी रवा(बारीक)
१वाटी मैदा
मीठ
पाणी
तेल
तूप

कृती:-
१)एका परातीत रवा,मैदा,चिमूटभर मीठ घ्यावे त्यात २चमचे तेलाचे मोहन घालावे आणि थोडे पाणी घालून पीठ घट्ट मळून घेणे .२०-३०मिनिटे झाकून ठेवावे.
२) कढईत तूप घालून त्यावर खोबरे आणि साखर घालावी आणि परतून घ्यावे आणि त्यात वेलचीपूड घालावी
सगळे मिश्रण एकजीव करून घ्यावे
३) पिठाचे छोटे गोळे करून पुरी प्रमाणे लाटून घ्यावे त्यात
खोबऱ्याचं सारण घालून पुरीच्या मुखऱ्या(चुण्या) पाडाव्यात
सगळ्या चुण्या एकत्र आणून त्याचे तोंड बंद करावे
४) एका कढईत थोडे तेल घेऊन मंद आचेवर सगळे मोदक तळून घ्यावेत .

टीप:-
१)मी इथे हे साखरेचे मोदक केलेत तुम्हाला पाहीजे तर गुळाचे पण मोदक करू शकतात.
२) आनंतचतुर्दशी झाल्यानंतर जी पहिली संकष्टी येते तिला साखरचौथ असे बोलतात या दिवशी बाप्पाला साखरेचे मोदक दाखवले जातात .


मायरा वैभव जगताप 
https://www.aapalimayra.blogspot.com/