खाद्यसंस्कृती - स्पेशल मटण मसाला

नमस्कार,


आज आपण बघुया रविवार स्पेशल मटण मसाला

साहित्य:-
१/२ किलो मटण
४कांदे उभे चिरलेले वाटणासाठी
१कांदा बारीक चिरलेला(फोडणी साठी)
१/२ वाटी खोबरं
१टोमॅटो
१वाटी दही
२-३हिरव्या मिरच्या
कोथिंबीर
१/२इंच आलं
८-१० पाकळ्या लसूण
२पाने तमालपत्र
४-५काळी मिरी
२-३लवंगा
१चक्रीफुल
पाव चमचा खसखस
१/२ चमचा बडीशोप
१/२ इंच दालचिनी चा तुकडा
१चमचा हळद
२चमचे मालवणी मसाला
तेल
पाणी
मीठ

कृती:-
१) प्रथम मटण ३-४पाण्यातून स्वच्छ धुवून काढावेत
२) आलं,लसूण ,मिरची,कोथिंबीर आणि थोडं पाणी घालून हिरव वाटण करून घ्यावे.
३) धुतलेल्या मटणाला हळद,हिरवं वाटण,थोडं मीठ,दही,१चमचा तेलआणि १चमचा मसाला लावून
अर्धा तास मुरत ठेवा
४) कांदा खोबरं आणि टोमॅटो तेलावर चांगलं भाजून घ्या . चांगलं भाजून झालं की त्यात काळेमीर,चक्रीफूल,दालचिनी,लवंग,बडीशेप, खसखस,आणि वेलची घालून जरा परतून घ्यावं
आणि मिक्सर मधून थोडं पाणी घालून वाटून घ्यावे.
५)एका प्रेशरपॅन किंवा कुकर मध्येये ४-५चमचे तेल घाला,तेल तापले की त्यात तमालपत्र घाला त्यावर बारीक चिरलेला कांदा घाला . कांदा गुलाबी झाला की त्यात १चमचा मसाला घाला आणि लगेच वाटलेलं वाटण घालुन परतून घ्यावे .
एक वाफ आली की त्यात मटण घालावे आणि वरून थोडे मीठआणि पाणी घालावे
७-८ शिट्या काढाव्यात (मटण शिजायला थोडा वेळ लागतो)
गॅस बंदकेल्यावर साधारण १०- १५ मिनिटं मटण मुरू द्यात
मटण मसाला तयार

टीप:-
१) जर खडा गरम मसाला नसेल तर गरम मसाला पावडर वापरली तरी चालेल साधारण १चमचा.
ताजे मसाले कुटले तर स्वाद जास्त छान येतो.
२)झणझणीत हवे असल्यास थोडा जास्त मसाला घालावा.



 वैभव जगताप  

https://www.postboxmedia.wordpress.com