खाद्यसंस्कृती - फ्लॉवर मटार बटाटा रस्सा भाजी

नमस्कार,


फ्लॉवर मटार बटाटा रस्सा भाजी

साहित्य:

फ्लॉवरचे ८ ते १० मध्यम तुरे
१वाटी मटार
२बटाटे मध्यम आकाराचे कापलेले
१ मोठा कांदा उभा चिरलेला
१बारीक चिरलेला
१/२ वाटी खोबरं
४ ते ५ लसूण पाकळ्या
१ टोमॅटो बारीक चिरलेला
४-५ पाने कडीपत्ता
१चमचा मालवणी मसाला
१/२ चमचा गरम मसाला
१ चमचा राई
१/२ चमचा जिरं
पाव चमचा हिंग
१/२ चमचा हळद
कोथिंबीर
मिठ
पाणी
तेल

कृती:-
१) कढईत २चमचे तेल घ्या त्यात उभा चिरलेला कांदा घाला .कांदा लालसर झाला की त्यात खोबरं घाला .
खोबरं लालसर होईपर्यंत नीट भाजून घ्या.
मिक्सरमध्ये भाजलेला कांदा खोबरं,लसूण,कोथींबीर आणि थोडं पाणी घालून बारीक वाटून घ्या.
२) एका कढईत २चमचे तेल गरम करावे त्यात राई, जिरे, हिंग, हळद आणि कढीपत्ता पाने घालून फोडणी करावी.
त्यात बरीक चिरलेला कांदा आणि टोमॅटो घाला ,त्यांचा रंग बदलला कि त्यात मालवणी मसाला आणि गरम मसाला घालावा आणि लगेच वाटलेले वाटण घालून सगळे एकजीव करावे आणि थोडं पाणी घालावे,एक वाफ आली की त्यात बटाटे ,आणि मटार घालावा बटाटे साधारण शिजल्यासारखा वाटलं की नंतर त्यात फ्लॉवर आणि चवीपुरतं मीठ घालावं.
आपली फ्लॉवर मटार बटाटा रस्सा भाजी तयार 


 मायरा वैभव जगताप  

https://www.postboxmedia.wordpress.com