खाद्यसंस्कृती - कांदाभजी

नमस्कार


बाहेर छान पाऊस पडतो आणि पाऊस काही थांबण्याचं नाव घेत नाही त्यातच लेकीचा आग्रह भजी बनव, पाऊस म्हटलं तर कांदाभजी ही आलीच पाहिजे चला तर आज आपण बनवूया कांदा भजी

साहित्य:
२ कांदे उभे पातळ चिरलेले
१ चमचा लाल तिखट
१/२ चमचा हळद
१/२चमचा साखर
१ चमचा तांदळाचं पीठ
१/२वाटी बेसन (साधारण)
१ टीस्पून कडकडीत तेलाचे मोहन
तेल

कृती:
१)एका भांड्यात उभा चिरलेला कांदा घ्या त्यात मीठ घालून
कांदा चुरायाचा १० मिनिटे तसाच कांदा ठेऊन दया .म्हणजे त्याला थोडे पाणी सुटेल
२)त्यात साखर,हळद तिखट ,बेसन आणि तांदळाचे पीठ घालून हाताने एकजीव करा.
३) बेसन कांदयात मावेल एवढं घालावं
४) कढईत तेल गरम करा. तेल चांगले तापले कि १ चमचा गरम तेल मिश्रणात घाला आणि परत सगळे मिश्रण एकजीव करून घ्या.
कढईत थोड्या थोड्या अंतरावर भज्या सोडा मंद आचेवर लालसर होई पर्यंत तळा.
आपली कांदा भजी तयार

टीप:
१)कांदयात मावेल इतकेच बेसन घाला. जास्ती बेसन घातले तर भजी आतून कच्ची राहील आणि कुरकुरीत होणार नाही
२) आवडत असेल तर थोडी ताजी कोथिंबीर बारीक चिरून घालावी खूप स्वादिष्ट लागते .





वैभव जगताप

https://www.postboxmedia.wordpress.com