दिवाळीच्या फराळा मधला माझा सर्वात आवडता गोडाचा पदार्थ सांगणार आहे .
आज आपण बघुया चिरोटे
साहित्य:-
२वाट्या मैदा
२वाटी पिठी साखर
ड्रायफ्रूट ची भरड
१/२चमचा वेलची पूड
★साटा-
३ चमचे तूप
२ चमचे कॉर्न फ्लोअर
२चमचे कॉर्नफ्लोअर/तांदुळ पीठ
तूप तळण्यासाठी
कृती:-
१)एका परातीत मैदा चाळून घ्यावा त्यात चिमूटभर मीठ आणि २-३चमचे कडकडीत तुपाचे मोहन घालावे
आणि पीठ मळून घ्यावे १५-२०मिनिटे झाकून ठेवावे
२)साटा तयार करण्या करता एका ताटात ३चमचे तूप घेऊन हाताने ते चांगले फेटून घ्यावे त्यात २चमचे कॉर्नफ्लोअर किंवा तांदुळपीठ घालून पेस्ट करून घ्यावी
३)मळलेल्या पिठाचे ३-४गोळे करा आणि त्याच्या पोळ्या लाटून घ्या.
४)एक पोळी घ्या त्याच्यावर बोटाने दाब देऊन खळगे करून घ्या आणि त्यावर साटा लावून घ्या हीच कृती बाकी च्या पोळ्याना पण करावी (एका वर एक ठेवावे) आणि त्याची गुंडाळी करून घ्यावी आणि सुरीने त्याचे काप करून घ्यावे
५)हलक्या हाताने छोट्या पुऱ्या लाटून घ्या आणि गरम तुपात तळून घ्या.
६)त्याला छान पापुद्रे फुटतील .थोडा रंग बदलला की बाहेर काढा आणि त्यावर पिठी साखर आणि वेलचीे पूड भुरभुरावी
आणि वरून ड्रायफ्रूट ची भरड घालावी
टीप:-
१)चिरोट्याला रंग जरी वापरला तरी खूप छान दिसतात
२)पिठाचे वेगळे वेगळे गोळे करून त्यात खायचा रंग घालावा
मायरा वैभव जगताप
https://www.aapalimayra.blogspot.com/
No comments:
Post a Comment