खाद्यसंस्कृती - शंकरपाळी

नमस्कार,

आज आपण बघुया झटपट बनणारी शंकरपाळी

साहित्य:-
पाव किलो मैदा
१वाटी साखर
१वाटी पाणी
१वाटी तूप
चिमूटभर मीठ
तेल/तूप तळण्यासाठी

कृती:-
१) प्रथम एका भांड्यात पाणी ,तूप आणि साखर घेऊन गॅस वर ठेऊन गरम करा . साखर विरघळली आणि एक उकळी आली की गॅस बंद करा
२)एका परातीत हे पाणी ओतून ठेवा .पाणी गार झालं की चिमूटभर मीठ आणि मैदा घाला आणि पीठ मळून घ्या
मैदा बनवलेल्या पाण्यात जेवढा लागेल तेवढा घालावा
मी पाव किलो सांगितलं आहे पण कमी जास्त पण लागू शकतो .पीठ थोडं मऊसर मळावे
३) मळलेल्या पिठाला तेलाचा हात लावून १०-१५ मिनिटे झाकून ठेवा
४)पिठाचे मध्यम आकाराचे गोळे करून चपाती सारखे लाटावे आणि कातणाने त्याचे शंकरपाळे पाडावेत. आणि तूपात किंवा तेलात सोनेरी रंगावर तळून काढावेत.





मायरा वैभव जगताप 
https://www.aapalimayra.blogspot.com/